Top Headlines:

नेपाली काँग्रेसका नेता तथा पूर्वमहामन्त्री कृष्णप्रसाद सिटौलाको स्वास्थ्य अवस्थामा सुधार

काठमाडौँ– अचानक स्वास्थ्यमा समस्या देखिएपछि राजधानीको मण्डिखाटारस्थित ह्याम्स अस्पतालमा भर्ना भएका नेपाली काँग्रेसका नेता  तथा पूर्वमहामन्त्री कृष्णप्रसाद सिटौलाको स्वास्थ्य अवस्थामा सुधार आएको अस्पतालले जनाएको छ ।

नेता सिटौलाको हेमोग्लोबिनको मात्रा कम देखिएको र रक्तचाप समेत घटेपछि शुक्रबारदेखि आईसीयूमा राखेर उपचार भइरहेको हो । 

शरीरमा रगतको मात्रा बढाउनका लागि अहिले उनलाई रगत दिइँदैछ । नेता सिटौलाको उपचारमा डा. भगवान कोइरालाको टोलीले संलग्न रहेको सिटौलाका स्वकीय सचिव किरण सिटौलाले जानकारी दिए । 

उनको स्वास्थ्य क्रमिक सुधार भइरहेको भन्दै डाक्टरहरुले अझै दुई तीन दिन अस्पतालमै राख्नु पर्ने सुझाव दिएको किरणले जानकारी दिए । 

सिटौला अस्वस्थ्य भएपछि पार्टी महामन्त्री शशांक कोइराला, पूर्वमहामन्त्री प्रकाशमान सिंह, केन्द्रीय सदस्य दिलेन्द्र बडू, संसदीय दलकी सचेतक पुष्पा भुषाल लगायत शनिबार भेट्न   पुगेका थिए ।  

शुक्रबार साँझै नेताहरु, अर्जुननरसिंह केसी, डा. शेखर कोइराला, गगन थापा, प्रदीप पौडेल, भीमसेनदास प्रधानलगायका नेताहरुले पनि स्वास्थ्य अवस्थाको जानकारी लिएका थिए ।