Top Headlines:

वरिष्ठ स‌ंगीतकःमि पन्नाकाजी शाक्य मन्त

नेपाः संगीतख्यःया छम्ह साधक पन्नाकाजी शाक्य थाै‌ं सुथय् मन्त । वय्‌कः थाै‌ सुथय् ५ बजे ति थःगु हे छेँय् मदुगु खः ।

सुथय् सामान्य मुसु वःगु व वय्‌कःया तःधिकःम्ह काय् प्रतिक शाक्य‌ं क्वाःलः दाय्‌काः त्वंकूगु खःसा वयां छु‌ं र्इ लिपा स्वः वंगु इलय् म्हुतु वां खाया च्वंगुलिं स्वः वंगु इलय् मदयाच्व‌ंगु सियाः गुरुजु सःताः क्यनागु व मन्त धाःगुलिं थःपिनि संस्कारकथंया ज्या याय्‌त टेकुइ हयागु वय्‌कःया माइलाम्ह काय् म्येहालामि प्रवेशमान शाक्यं कनादिल । 

 
८६ दँ दुम्ह मदुम्ह संगीतकार शाक्यया प्यम्ह काय् व छम्ह म्ह्याय् दु । 
 
मदुम्ह शाक्य‌ं नेपालभाषाया अापालं लाेकंह्वाःगु म्येत हालादीगु दुसा वय्‌कलं  विश्वन्तरया मचादानय् राजकुमार, कुनालय् नायिका, "महासत्व"य् महासत्वया हे भूमिका म्हितादीगु दु । 
 
मदुम्ह शाक्यं हालादीगु म्येत वा माया वा वा, ताः दत मखनागु, अादि म्येत तसकं लाेकंह्वाःगु म्येत खःसा नेपाली भाय्‌या तिरिरि मुरलि बज्याे, लाेलाएका ति तिम्रा, किनकिन तिम्रो तस्बिरनौलाखे तारा, एकानी दुवानीरात यो नबित्लालालीगुराँस फुल्यो है लिसे‌या म्येत सिर्जना यानादीगु दु । 
 
वय्‌कःया आधुनिकभजनस्वदेशगानलोकगीत यानाः थ्यंमथ्यं प्यसः म्ये रेकर्ड जूगु दु । 
 
विसं१९८८ पुस १५ बूम्ह वय्‌कः ओमबहाःयाम्ह खः । २००७ सालय् रेडियो नेपालय् दुहाँ झाःम्ह वय्‌कः २००८ सालनिसे‌ं स्थायी नियुक्ति जुयाः ०४० सालतक अन हे ज्या यानादीगु खः । ।
 
रेडियो नेपालं ०२२ सालय् ग्वसाःग्वःगु आधुनिक गीत प्रतियोगीताय् नारायणगोपाल संगीतय् न्हाप जूगु खःसा पन्नाकाजी गायनपाखे न्हाप जूगु खः । अनंलिपा वय्‌कलं मविवि शाहया जक निगू दर्जन‌ं मल्याक म्ये हालादीगु काय् प्रवेशमान शाक्यं कनादीगु दु । 
मदुम्ह शाक्यया थाै‌ हे टेकुइ बाैद्ध विधिकथं अन्त्येष्टी याःगु दु । अन्त्येष्टीया झ्वलय् नेपाल स‌ंगीतकार स‌ंघपाखें श्रद्धाञ्जली देछाकथं वय्‌कःया बहुचर्चित "तिरिरि मुरलि बज्याे" म्ये हाःगु खः ।