Top Headlines:

Manoranjan Gadhibdi - दयाहाङ राइ

Manoranjan Gadhibdi

मण्डला थिएटर नेपालको पुर्वाञ्चल नाट्य यात्रा २०७३ पुर्वाञ्चलका बिभिन्न ठाँउमा कात्तिक ३ गते देखी १३ गते सम्म प्रदर्शन भयो। दयाहाङ राई द्वारा निर्देशित 'डिग्री माईला' नामक नाटक दमक, बेलबारी, ईटहरी, विराटनगर र धरानमा दैनिक दुई शो प्रदर्शन गरियो।

मण्डला थिएटर करिब ६ वर्ष अगाडि नाटकको सिलसिलामा पुर्व आइसकेको भएतापनि दयाहाङ राई भने पहिलो पटक पुर्वाञ्चल नाटक यात्रामा आएका हुन् । उपत्यका बाहिर पनि नाटक प्रतिको मोह बढ्दै गएको सिलसिलामा विवेक मिश्रले डिग्री माईलाका निर्देशक तथा लोकप्रिय कलाकार दयाहाङ राई संगको कुराकानीमा आधारित:

 

हिजोआज केमा व्यस्त हुनुहुन्छ ?

 धेरै समय चलचित्र सुटिङमै व्यस्त भएतापनि हिजो आज पुर्वाञ्चल नाट्य यात्रा २०७३ पुर्वाञ्चलका बिभिन्न ठाँउमा कात्तिक ३ गते देखी १३ गते सम्म प्रदर्शन भईरहेको छ त्यसैमा व्यस्त छु ।

फिल्म क्षेत्रमा जमिसकेता पनि नाटकलाई पनि निरन्तरता दिईरहनुभएको छ नी?

नाटक र सिनेमा दुबैलाई उत्तिकै समय दिरहेको छु । धेरै साथीहरुलाई चै समय नभएर पनि होला तर मैलै समय म्यानेज गरिरहेको छु । हामीले मण्डला स्थापना गर्दा एउटा उदेश्य राखेका छौँ त्यो उदेश्य पुरा नहुन्जेल नाटकलाई पनि उत्तिकै समय दिनेछु ।

अहिलेका युवा पिढिमा नाटक प्रतिको क्रेज बढेको देखिन्छ?

पहिला राम्रो खाल्को अभिनय सिकाउने ठाँउ थिएन तर अहिले नाटकघर बनिरहेको छ त्यसको माध्यमबाट सुरुमा धेरै युवाहरु नाटकघर जानुहुन्छ सिक्नुहुन्छ, अभिनय गर्नुहुन्छ  अन्त्यमा उहाँहरुको पनि नाटक पछि सिनेमा क्षेत्रमा जनुपनि हुन्छहोला ।

अभिनय क्षेत्रमा कहिलेदेखि रुचि राख्नुभयो?

  म बाल्यकाल देखि नै गाँउघरमा दशै तिहारको बेलामा सामान्य नाटकहरु देखेको हो। त्यसबेला बिषेशगरी जनजागरणलाई समेटेर तयार पारेको हुन्थ्यो। त्यतिबेला म नाटक गर्छु, नाटक खेल्छु भन्ने सोचत थिएन पछि ति नाटकहरु हेर्दै गँए र रुचि बढ्दै गयो। अन्य धेरै काम गरेँ कुनैमा पनि मन अढिएको थिएन जब काठमाण्डौँ आँए र नाटक क्षेत्रमा लागेँ तब म जन्मेकै यसैको लागी हो जस्तो लाग्न थाल्यो।

हाल सम्म कतिवटा नाटकमा अभिनय गर्नुभएको छ?

हालसम्ममा नौँ वटा नाटक निर्देशन गरिसकेको छु र लगभग सत्रवटामा अभिनय समेत गरेको छ।

तपाईको अभिनयमा जीवन्तता देखिन्छ नी यो कसरी?

 म जहाँ जन्मिए, हुर्किए त्यसबेला कलाकारीता क्षेत्रमा लाग्छु भन्ने सोचको भए अरु नामी कलाकारको नक्कल गर्न लाग्थे होला त्यो सपना पाल्नु त्यो ठाँउमा मुर्खता थियो। त्यसकारण म भित्र अभिनय गर्छु भन्ने कुनै लोभ भएन तर मनभित्र एउटा कुण्ठा थियो दबिएर बसेको तर अचानक अभिनय होईन नाटक लेख्छु, निदेशन गर्छु, व्याक स्टेजमा बसेर सेट बनाउछु भनेर गएको हो तर त्यसको लागि अनिर्वाय अभिनय नै गर्नुपथ्र्यो। अभिनय गर्दै जाँदा अभिनय त जीवनको भोगाई अभिव्यक्त गर्नुरहेछ भन्ने महसुस गरेँ त्यसैले सायद जीवन्तता देखिएको हो कि?       

तपाईंंलाई नाटक र फिल्ममा कुनमा बढि आनन्दको महशुस हुन्छ?

नाटकमा दर्शकहरु माझ अभिनय गर्दा बेग्लै मज्जा छ तर उत्तिकै रिक्स पनि छ, यसको प्रकृया नै मिठो हुन्छ तर फिल्ममा पनि उत्तिकै मज्जा छ त्यो मज्जा लिन जान्नुपर्छ नत्र त कुनै एक क्षेत्रलाई छोडि हाल्थेनी।

पुर्वाञ्चल नाट्य यात्रा कस्तो भईरहेको छ?

पुर्वाञ्चलबासीको नाटकप्रतिको यति धेरै मोह देख्दा उत्साहित भईरहेको छु। बजार भन्दा पनि ग्रामिण क्षेत्रमा दर्शकको उपस्थिति बाक्लो पाईयो यसले समग्र नाटक क्षेत्रलाई उत्साहित बनाएको छ।

सभार सेतो पाटी